الوجه الباسم
الله خلق لي نفس تسمو عن البوح ما هي لضاقت من الهم باحت
على ما شفت ضيقات وجروح الويه ما تغير ولا العين صاحت
أبشرك بشارة الروح للروح تبي تطيحني الليالي وطاحت
هذا أنا والوجه باسم ومشروح وجها ً بروقه لاظما الناس لاحت
كم محزنن بنى على شوفه أصروح وكم نفسا ً من طارف عطاه أستراحت
الله وهبنا عز و أمجاد وطموح وذكرا ً على جدران الأيام ناحت
هذي مراجل مهب ضحك ومزوح ما هي شموع لضوى الصبح ساحت
الصفح خصلة والفخر ما له سطوح والحزن لسيطر على الروح ناحت
بعض الجروح تجي لك شوي وتروح وبعض الجروح إن جات ما راحت
تحياتي عيسى المبارك
بوفزاع
السبت مايو 17, 2008 3:02 pm
