السلامـ عليكم و رحمة الله و بركاته ،،
مرحبا جميعا ..
كيف حالكم جميعاً وآحد(ن) واحد ؟؟
عساكم بخير .. دوم إن شاء الله ..!!
المهم .. انا جاي ابي اتكلم في موضوع مهم .. و هو ..
نقل المواضيع و المواضيع الحصرية للمنتدى و الردود ..
ما ادري كل ما اخش المنتدى و اشوف انه
99،99 من مواضيع المنتدى منقوووووله <<<<< (ادري اني مبالغ شوي .. لكن فيني حرررره) ..
احس انه يجيني صداع في بطين معدتي الأيمن
يا اخواني و اخواتي حنا ودنا انه منتدانا يتميز و يكون له مواضيع حصرية الناس تنقل منها ..
مو انه حنا نروووح نقل من منتديات ثانية ..
لا و يا ريت ننقل صح .. هم منقول و فيه أخطاء لو تلاحظون معي أحياناً ناقل الموضوع ينقل بدوون ما يقرأ الموضوع و هذا الشيء يسبب لي انفجار في مرارة مخي الأيسر ..
*مثلاً: ناقل الموضوع ( ذكر ) و تلقى في الموضوع بصيغة ( مؤنث ) الحين انا واحد ضيعت الطريق .. و ما عرفت هو العضو ( ذكر ) ولا ( انثى )
*مثال آخر : اسم العضو ( مـغتربـ ) و في نهاية الموضوع تلقى مكتووب ( مع تحيات : مجنون ليلى ) <<< ما ادري كيف جاء هالأسم في الموضوع......!!! شرآيكم انتوا ؟؟
و هات من أمثلة .. ما في أكثر منها .. لكن بكتفي بهالمثالين ..!!
الي ما يحب يتعب و يسوي موضوع جديد و حصري .. ما بنقول له شيء .. لكن ع الأقــل انتبه للمواضيع الي تنقلها .. ولا وش تقولون ؟؟!!!
و ع الأقل اذكر ان الموضوع منقووول .. ولا تنسبه لنفسك لأنه في غيرك تعب .. ع الموضوع ..!!
أو ع الأقل أذكر تعليق و لو بسيط ع الموضوع الي انت ناقله ..!!
المنتدى موجود عشان نستفيد مو عشان نتنافس مين فينا عنده أعلى عدد مشاركات ..
ترى عدد المشاركات ما يهم الي يهم أكثر هو شنو نوع المشاركات الي جابها العضو ..!!
ملآحظة كبر خشم الفيصل : ( طبعا كلامي عن النقل من منتديات آخرى .. ولا إعتراض على النقل من المواقع الأخبارية الموثوقة مع ذكر المصدر )
-------------------------------------------------
طيب نجي الحين حق العضو الي وده يتعب بيقول لي كيف اسوي موضوع حصري للمنتدى بس .. انا اقولك كيف في عدة طرق ..
*اولاً: تبحث عن مصدر موثوق مثلآ: قناة تلفزيونية او جريدة و بعض المواقع الضخمة .... و لا يهمكم اذا كانت اللغة انجليزية .. ترى موقع Google في ترجمة من انجليزية إلى عربية .. و لو ان الترجمة مو ذاك الزوود .. لأن بعد الترجمة تحتاج إلى إعادة صياغة بعض الجمل ..!!
*ثانياً: في بعض الأعضاء ما شاء الله عليهم يجب لنا صور من عدسته الخاصة ( جوال ، كاميرا ) .. عشان نحفظ حقوق المنتدى و تكون الصور حصرية للمنتدى يا ريت لو يتكرم بإستخدام أي برنامج لكتابة اسم المنتدى ع الصووور ..
تقدرون تستخدمون الرسام مثلا ... أيضا في طريقة أسهل .. ( قريب بنسويها ) و هي انكم تستخدمون مركز تحميل المنتدى في رفع الصور و راح يكتب اسم الموقع على الصورة لوحدة اوماتيكياً ..!!
ثالثاً: تكتب المصدر الي انت نقلت الخبر منه .. كحفظ لحقوق الأخرين ..!!
-------------------------------------------------
الحين وصلنا للنقطة الثالثة و المهمة .. و هي ردود الأعضاء الي المفروض تعتبر شيء مشجع لكاتب الموضوع .. الله ما أحلاهـآ من ردود ..
ما فيه غير نمط واحد و مكرر حتى في مواضيع النقاش و في قسم اللغة الأنجليزية الي المفروض ما احد يكتب فيه باللغة العربية ..
ما في غير كلمة ( مشكور ) أو ( مشكووووور ) أو ( مشكووووووووووووووور ) <<<<<< ما ادري وش الفرق بين الـثلاث ...!!!!!
و اذكر مرررره جتني رسالة من قرووب ع الأيميل و كان في واحد من القروب مسوي بحث عن كلمة ( مشكور ) في Google في كانت النتائج .. لا تعد ولا تحصى .. معقول انه عقولنا خلاص توقفت عند التعبير ..!!! حتى توصلنا إلى رد واحد لا نجد غيره لنشجع كاتب الموضوع ..!! ( طبعا هنا أقصد كل المنتديات )
طيب يا أخي أحياناً كاتب الموضوع يطلب رأي أو نقاش في موضوع معين .. مالك نفس ترد طيب حبيبي ( الباب يوسع _ _ _ _ ) و لا ترد بـ ( مشكوووور ) و انت حتى ما قريت الموضوع ..!!
طيب أقرأ الموضوع ولا الهدف اني اوصل عدد المشاركات 10000000 و خلاص .. و انا ما استفتدت حتى كلمة من المنتدى ..!!
-------------------------------------------------
في نهاية الموضوع .. أحب أقول .. و الله ادري انه كلامي كان قاسي .. لكن من القهر الي اشوف .. انه في منتديات تنفرد بأشياء حصرية .. و حنا قادرين انه نسوي احسن منها ..
بس لو نركز شوي <<<<<<< ( ليه داخلين امتحان )
ع العموم أقولكم ســـلآم .. و تحية
مع أني حاط بطيخة صيفي في معدتي .. أني راح ألقى موضوعي .. منسوخ و ملصوق في كمـ من منتدى عن قريب .. <<<< الأخ واثق من كلامه ..!!
كنتم مع ريشة : x aLfaisaL x
الإثنين مايو 19, 2008 9:15 pm
