51. مرة حمار إتجوز حمارة قال لها مبروك يا حمارة قالت له هانبدأ الشتايم من دلوقتي
52. مرة حوت دخل كنال بورسعيد وبيبلع كل حاجة يحدفولة ثلاجة يبلع.. بوتوجاز يبلع 00غسالة...؟ و ف مرة ابو العربى ماشى اتزحلق وقع فى الكنال بلعة الحوت جة اخو ابو العربى قال لأم العربى لازم نطلع ابو العربى من بطن الحوت....قام اصطاد اخو ابو العربى الحوت وقال لأم العربى.. علىّّ النعمة من نعمة ربى.. فتحت بطن الحوت.. لقيت ابو العربى فاتح بوتيك
53. مرة في طابور الصباح فى مدرسة كلهاتلامذة حولانين..المدرس قال الى هيعرف يسقف صح حياخد مكافأة أيس كريم..المدرسة كلها قعدت تحاول يجى أسبوع لغاية ماواحد عرف في الآخر يسقف صح .. راح المدرس اداله أيس كريم جه ياكله حطه في بق اللى جنبه
54. مرة مدير شركة كدليز دخل السجن خرجوه بكفولة
55. مرة نملة كانت ماشية في الغابة لقت الفيل بيستحمى في البحيرة قالت له اطلع بسرعة و لما طلع قالت له لا..لا مش أنت الى سرقت المايوه بتاعى
56. مرة واحد بلدياتنا اتفرج على اعلان سجاير مارلبورو تاني يوم راح اشترى حصان
57. مرة واحد بلدياتنا بعت لصاحبه صورة له في البلد وهو واقف بين حمارين فعمل مفتح وكتبله: ملحوظة أنا الي واقف في النص
58. مرة واحد بلدياتنا راح يستحمي فى الترعة , البلهاريسيا راحت تحلل . . . .
59. مرة واحد بلدياتنا غسل وشه صدى
60. مرة واحد حلو اتجوز واحدة حلوة خلفوا ولد ملزق
61. مرة واحد خايب رايح يشوف النتيجة بتاعتوا فاابوة قالوا لو نجحت انا هدبح خروف راح الولد ورجع ابوة بيسألوا عملت اية قالوا الخروف اتكتبلوا عمر جديد
62. مرة واحد راح السودان بالليل مالقاش حد
63. مرة واحد راح محل سندوتشات سال الراجل :عندك سندوتش هامبرجر من غير كاتشاب -رد عليه و قاللو :مفيش كاتشاب تخده من غير مسترده؟
64. مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه: قاله: طلعلي كل المصريين من السعوديه فالجني قاله: ليه بس يا عم احنا عملنالك حاجه
65. مرة واحد سكران قابل واحدة وحشة اوى ... فاول ما شافها قعد يضحك ويقولها انتى وحشة اوى ... قالتلة جرى اية يا سكران ... قالها طيب انا هافوق بكرة طيب وانتى هتعملى اية؟
66. مرة واحد ضرب التليفون صعب عليه
67. مرة واحد عجلاتى قعد على قهوة طلب كاوتشينو
68. مرة واحد غلس قابل واحد غلس قالة تيجي نغلس قاله لأ قاله ليه قاله غلاسه
69. مرة واحد فكهاني بيغازل مراته بيقوللها ياأم خدود زي التفاح وضحكة زي الفراولة وبق زي الكريز راحت مرات النجار شافت كده فغارت.. راحت قالت لجوزها غازلني قاللها يا أم عنين شبكت قلبي بمسامير ياللي حبك مقطعني بمنشار ...يا لزقة بغره
70. مرة واحد قابل واحد زميله بيجرى سأله مالك قاله مراتى قاله مالها قاله أكلت 5 كيلو سمك جالها تسمم.. قاله لاحول الله وانت رايح تجيب لها الدكتور قاله لا رايحل أجيب لها 5 كيلو كمان
71. مرة واحد كبابجى اتجوز فرش لمراته السرير بقدونس
72. مرة واحد كل ما ينام يحلم بكتاكيت تلعب كورة . فى كل مرة يحلم نفس الحلم فذهب للدكتور فقال له الدكتور لا تنام يوم أو اتنين قال له ما انامش ازاى دا بكره النهائى
73. مرة واحد كهربائي اتجوز واحدة اسمها نجفه علقوها منه .. مره ضابط في الجيش طلع على المعاش اخذ مكفاءة نهاية الخدمة اشرى بيها ارض و زرعها الغام
74. مرة واحد مجنون خبط راجل بعربيتة جاء الضابط . قالة المجنون: زمرت لة كتير و ماتحركش فسأل الضابط الراجل: لية ماتحركتش؟ قالة الراجل :اروح فين يا بية اناكنت قاعد فى المحل بتاعى
75. مرة واحد مجنون ماشي في الشارع وقع من جنانه
76. مرة واحد مصوراتي طلعله عفريت حمضه
77. مرة واحد موظف ماشى الصبح رايح شغلة وهو ماشي شاف جماعة بلدياتنا واقفين فوق كوبري قصر النيل مهيصين و بيسقفو و بيصفروا ويرقصوا ويهللوا وينادوا هاريدي هاريدي هاريدي ,تاني يوم شاف الموظف نفس الحكاية ,ثالث يوم شاف نفس الحكاية فراح يسأل حد من الجماعة دية ونبي يا بالادينا شايفكوا بتسقافوا و مهياصين علىالأخر هو في أية قالوا أحسن غطاس عنديكم بيجعد جد اية تحت المية قالوا ثلاث دقائق قالوا هريدي ولدعمي !!!!بجالوا تلات تيام في المية
78. مرة واحداهوجى اشترى تلفزيون ماركة توشيشا
79. مرة واحدبلدياتنا دخل فى خلاط الاسمنت نزل بعد ثلاثة أيام قال يلعن أبو الملاهى
80. مرة واحدة رفيعة بلعت زتونة افتكروها حامل
81. مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع النسيان الدور الثالث شقة 5 اه يا جوزززززززززززززززززي
82. مرة ولد صغير واقف على السلم لقى راجل كبير طالع على السلم . الراجل سئل الولد أنت عايزحاجة ياشاطر؟ الولد قاله لوسمحت أضرب الجرس أحسن مش طايله ،الراجل ضرب له الجرس وقال له عايز حاجة تانية ياشاطر؟ الولد قاله ياللا بينا نجرى بسرعة
83. مره 1 بلدياتنا راح للبقال فقال له عندك سكر فقاله ايوه فقاله بلدياتنا ربنا يشفيك
84. مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتضرب
85. مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق
86. مره حارس من حراس الحدود كان بيعدى عليه كل يوم واحد راكب عجلة و فيها جردلين رمل فكان الحارس يقعد يفضى الجرادل علشان فاكر ان الراجل بيهرب فيها مخدرات لكن مكانش بيلاقى فيها غير رمل بس ...كل يوم عالحال ده ..لغاية ما زهق..وبعدين جه فى مره اجبره عالاعتراف باللى بيهربه فقال له انا باهرب عجل
87. مره عشرة بلديتنا ماشيين ورا بعض وقعوا في حفرة واحدة
88. مره واحد أحول بيعاكس وحده حوله بيقولها أحلى وحده فيكوا الليملشيه فى النص أدورت و قالتلوا والله انت شباب أوللات الأدب
89. مره واحد احول عنده ولد احول . الراجل بيشوف اى حاجه اربعه و ابنه بيشوف اى حاجه اتنين دخل الولد على ابوه الصالون و قاله :بابا اجيبلك شاى انت و عمى قاله الاب : لا ..و خد اخواتك و اطلع بره
90. مره واحد بلدياتنا ، جه يًًزوّّر فلوس ، فقال يجرب ورقة عشرين جنيه ، فراح رسمها كويس أوي ، وكتب بدال العشرين .. تمانتاشر ونزل مصر عشان يفكها ، فقال لواحد ممكن تفكهالي جنيهات ، فقله الراجل زورتها ازاي ، فبلدياتنا خاف ، و خد بعضه و رجع بلدهم و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفكلي تمانتاشر جنيه دي جنيهات ، فقله ما فيش جنيهات فكه ، تاخد ورقتين بتسعة ..
91. مره واحد بلدياتنا شاف اشرة موزه على الأرض فقال يييه هاتزحلق تانى
92. مره واحد بلدياتنا نزل البحر كان في سحب كسب عربيه
93. مره واحد بلدياتنا واقف في الشارع و بيتكلم في المحمول و عمال يزعق و يقول:بس دوري تاني ، دوري كويس. قام واحد معدي في الشارع جه قال له: في إيه، قام بلدياتنا قال له: طلبت رقم قامت طلعتلي ست عمالة تقول (ألرقم الذي طلبته غير موجود في الخدمة)
94. مره واحد بلدياتنادخل الحمام, لقى المساحة ,فقال يابوى كل دى ماكينة حلاقة
95. مره واحد بلدياتنادخل حمام افرنجي اخد معاه مترجم
96. مره واحد بلديتنا جاب عربيه اوتوماتيك راح قاطع رجله الشمال
97. مره واحد راجع البيت محشش ومهيس طحن..فضل يخبط علي باب بيته:افتحي يا وليه يا ام سيد...يا ام سيد...محدش فتحله الباب,الراجل اتنرفز و اتعصب راح شايط صفيحة الزباله الي جمب الباب...الصفيحه طارت ف الهوا و فتحتله دماغه.الراجل:افتحي يا ام سيد الصفيحه هتموتني
98. مره واحد رجع البيت لمراته وهوا بينهج, قالتله مالك, قال لها أصل أنا كنت باجري وارا الأوتوبيس علشان نوفر الخامسين قرش بتوع الأوتوبيس, قالتله ياريتك جريت وارا تاكسي ووافرتلنا خمسة جنيه.
99. مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
100. مره واحد سباك رشح نفسه علشان عنده مشروع ميخرش الميه
السبت يونيو 21, 2008 12:07 pm
