بيقولك يا سيدى وخد عندك:
(1) فى مرة صراصير دخلو سينما واول اعلان قبل الفيلم كان للمبيدات الحشريه فقالو من اولها فيلم رعب.
(2) مرة واحد صعيدي دخل الجيش فقامت حرب... وهو علي الجبهه لقي واحد جنبه فقام سأله :أنت من دشنا؟؟؟رد وقاله:لا راح الصعيدي قتله وقاله تبقي من ديش (جيش) العدو طخطخطخطخخ.
(3) البوليس كبس على غرزة راحوا الحشاشين.. واقفين صف ورا واحد منهم وعملوا نفسهم بيصلوا الضابط سألهم طيب اماأنتوا بتصلوا النار دى لزمتها ايه؟واحد منهم رد علشان اللى مابيصلوش يا باشا.
(4) جماعة بيحششوا فى المدافن وطب عليهم البوليس وقالهم الظابط:قدامى كلكم على البوكس..واحد مرديش قام الظابط شخط فيه وقالوا:قوم يامسطول رد المسطول وقالوا: لأياباشا انا مش معاهم ..اناميت.
(5) واحدب يسأل واحد مسطول هو يوم الخميس. يوافق يوم 28 قاله لو ضغطنا عليه شوية يمكن يوافق.
(6) واحد رايح يدفن مراتة و ماشى يضحك.. صاحبة بيقولة بتضحك على اية قالة اصلى اول مرة اعرف هى رايحة فين.
(7) مرة واحد صعيدى خبطتة عربية.. طلعت روحة خبطتها طيارة.
(
مرة اثنان بيكلمو بعض قال الاول للثاني هو التعلب بيبيض ولا بيولد فالثاني قله متضمنوش ده مكار.
(9) ثلاثة اطفال دخلوا محل لعب واحد قال للبائع عايز بلونة راح الراجل طلع علي سلم و جاب بلونة ونزل و سأل التاني عايز ايه قاله عايزبلونة قاله كنت قلتلى و انا فوق المهم طلع و جاب البلونة و قبل ما ينزل سأل التالت انت عايز بلونة قاله لأ فنزل الراجل و ساله طيب عايز ايه قاله عايز بالونتين.
(10) مره ابو العربى وصاحبه عملوا حوار مع مذيعه فا لمذيعه بتسالهم الاول قالتله مصر بتماثلك ايه قالها مصر دى هيه امى..وسالت ابو العربى نفس السوال قالها كفايه انها ام صاحبى .
(11) الموضوع: مرة واحد متسلق جبال راح يتسلق جبل هو و المساعد بتاعه. وكان المساعد ده بيتهته فى الكلام ,وهماطالعين فى نص المسافة المساعد قال للمتسلق:ن ن ن ن ن........ فالمتسلق قاله:بس يابنى لاضحك ونوقع احنا الاثنين. ولما وصلوا فوق ، قاله عايز ايه ؟؟ قاله:ن ن ن ن ن.... نسيت الاكل تحت. قاله: يخرب بيتك . ونزلوا تانى ، وهما فى نص المسافة ,المساعد قاله:ب ب ب قاله :بس لاضحك ونوقع احناالاثنين.ولما نزلوا تحت قاله :عايز ايه.قاله:ب ب ب ب بهزر معاك.
(12) قطتين قاعدين بيحكوا
القط الأول:ميو
القط الثاني: ميو
القط الأول: ميو ميو
القط الثاني: لا متغيرش الموضوع
(13) تفيدة قالت لزوجها
اذا مت يابو حماده عاوزاك تنورلي قبري
عشان بخاف من الظلمة.رد عليها ابو حماده وقالها انتي بس موتي يا تفيدة وانا حتي التكييف.... ححطلك!!!
(14) واحدة بتقول لواحد بقلك اية بابا وماما مش موجودين النهاردة فى البيت يعنى البيت فاضى رد عاليه وقالها طيب شغلى قران متخفيش.
(15) مرة واحد احول دخل الجيش حطوه في القسم القصف العشوائ.
(16) مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام.
(17) واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله.
(18) واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله.
(19) تنين بلدياتنا عاوزين يشربو سجاير.. ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة
(20) واحد واقف أمام محل عصير وممعهوش غير 25 قرش قال.. أشرب عصير ولا أركب الأوتوبيس؟؟ لو ركبت الأوتوبيس يا هقف يا هقعد، لو وقفت مش مشكلة لو قعدت هقعد جنب راجل أو ست، لو راجل مش مشكلة لو ست يا هتبقي حلوة أو وحشة، لو وحشة مش مشكلة لو حلوة هطلبها للجواز، لو رفضت مش مشكلة لو وافقت هدفع لها مهر وشبكة وهتخلف عيال ياخدو فلوسي ويطلَّعو عيني، وعلى إيه أشرب عصير أحسن
(21) بخيل اشترى لولده آلة حاسبة.. وشال منها الصفر علشان ما يتصل دولى.
(22) بخيل و ابنه يمشي في جنازة فسمع زوجة الميت تقول سوف يذهبون بك الى بيت ليس فيه فراش ولا ماء ولا طعام فقال الولد لأبيه أكيد سوف يذهبون به الى بيتنا.
(23) اثنان صعايدة يلعبون الشطرنج..فقال الأول: قتلتلك الحصان فأستأذنه الثاني بضع دقاق و عندما عاد اليه قال: سممتلك البهايم كلها.
(24) مرة كان فيه رجل اخضر جلس علي الكرسي الاخضر و مسك السماعة الخضرة اتصل بصديقة الاخضروقال له تعال نروح عند الدكتور الاخضر قال له موافق ثم نزل من بيته الاخضر وركب التاكسي الاخضر ثم ذهب الى المستشفى الخضرا ثم خبط على الباب الاخضر ففتح له الدكتور الاخضر فقال له الدكتورافتح الستارة الخضراونم على السرير الاخضر فرأى الرجل الاخضر رجل برتقالي فقال له لماذا انت برتقالي فقال البرتقالي لاني من نكتة اخرى.
(25) واحد مجنون راح البحرين. خاد معاه مايوهين.
(26) اتنين صعايدة واحد بيقول للتاني لو قلت لي القفص ده فيه ايه هديك منه منجيتين قاله جوافة.
(27) في 2 محششين راحوا يحششوا عند مقبرة جتهم الشرطة واحد استخبى والثاني قال انا ميت بس طالع أروح التواليت.
(28) فى مره عملو مسابقه على مين اللى يقدر يجيب اكبر قط فى العالم
فجابو
واحد امريكى ، وواحد المانى ، وواحد صعيدى..دخل الامريكى ..جاب قط 8 كيلو ، دخل الالمانى .. جاب قط 15 كيلو ، .دخل الصعيدى ... قعد اسبوع .....والتانى .....والتالت....ولسه مش طلع من الغابه.....
فجت اداره المسابقه قالت احنا لازم ندخل ندور عليه لحسن يكون فى حيوان شرس اكله ......
دحلو ودورا فى الغابه فى الاخر..لقو الصعيدى ماسك زلومه بتاعه الفيل .....وبيقوله عتنونو ..يعنى ..عتنونو ..
(29) صرصار فطسان على روحه من الضحك
ــــــ ليه ــــــ
عشان اللى بيضربه بالشبشب أحول.
(30)
يلا بقى اخر واحده وكفايه عليكم كدة انهاردة...
مرة واحد انجليزى و واحد فرنساوى و واحد صينى راحو يجربو صدى الصوت
الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه؟؟؟[/align]
السبت يونيو 21, 2008 2:09 pm
