بعد التحية ,,,
أصناف البشر متعددة , ويثبت هذا ما قاله القدماء :
(إرضاء الناس غاية لاتدرك)
وهذا تبعا" لاختلاف وجهاتهم , آرائهم , ميولهم , أمزجتهم وأذواقهم .
في هذه الأبيات المتواضعة سنستمع إلى المحب الطيب - والذي وصلت به
هذه الصفة إلى حد السذاجة - وهو يعاتب محبوبته بعزة وأنفة والكثييييير من التسامح.
أترككم مع الأبيات آملا" أن تحوز على استحسانكم ,,,
كذا يعني جرحتيني ؟! بسهوله وببرود أعصـاب
طعنتي قلبي الطيب.. كذا قلبك غـدا قاسـي ؟!
رخصتيني وانا اللي كانت ألقابي (أعز أحبـاب)
(سما نورس) و (عين السيح) وسميتيني (الناسي)
يضيق الكون لو تبكين.. ودمعك في خفوقي ناب
يهشم ما بقى منـي.. يطاردنـي معـه ياسـي
وأجيلك أمسح دموعك..منصور وانفتح لي بـاب
مؤزر نصري لو تدرين.. لأني أشتـري ناسـي
أنـا ماهمنـي انـك تبيعيـن الغـلا بـتـراب
كلن يعمل بأصله..وانا اللـي جوهـري ماسـي
أنا أقدر أصير خوان !! رخيص وحاقد وكـذاب
أبيعك واجرحك واضحك.. وأبقى ثابت وراسي
ولكن موتي أشوا لي.!! لأن هذي الطبايـع داب
يلف بدمي لو ذليت في لحظـه يكتـم أنفاسـي
أنا بس اللي زعلنـي إنـي ماحسبـت حسـاب
قلتي لي (أنا أحبك) وجيتك أرضـي إحساسـي
لأنـي صـدق حبيتك..أسلوبـك تـرى جـذاب
دلع , حنيه ورقـه.. عيونـك سـود ونعاسـي
لكن ماهي بكيفـي.. جحدتينـي بـدون أسبـاب
وانا ادري إني مازليت.. وربي اللي خلق راسي
تجرأتي ولاهمك.. جرحتيني ببـرود أعصـاب
طعنتي قلبي الطيب.. وسامحت قلبـك القاسـي
الأربعاء يوليو 09, 2008 7:29 am
